Birlashgan Arab Amirliklari Hormuz bo‘g‘zini chetlab o‘tadigan uchinchi neft quvuri qurilishi rejalashtirilayotganini inkor etdi

Ma’lumotli manbalarga ko‘ra, Birlashgan Arab Amirliklari uchinchi neft eksport quvurini qurishni ko‘rib chiqmoqda. Bu orqali xom neftni Fors ko‘rfazi tashqarisidagi hududlarga yetkazib berish, mamlakatning ushbu suv yo‘liga bog‘liqligini sezilarli darajada kamaytirish ko‘zda tutilgan. Manbalarga ko‘ra, Abu Dhabi National Oil Company (ADNOC) yangi quvurni qurish imkoniyatini baholamoqda, yangi magistral BAA ning g‘arbiy sohilidan sharqdagi Fujairah portiga qadar cho‘ziladi. Ushbu quvurning uchinchi tomonlarga ham foydalanish uchun ochilishi mumkin va mavjud quvurlar hamda kelasi yilda ishga tushirilishi rejalashtirilgan yana bir boshqa quvur bilan birga ishlash orqali BAAning kelajakda Fors ko‘rfazi suv yo‘li harakati to‘xtagudek bo‘lsa, mijozlarga xom neft yetkazib berish imkoniyatlarini yanada mustahkamlashi kutilmoqda. Boshqa manbalarning qayd etishicha, ADNOC ushbu quvur loyihasi haqida bir qator Osiyo mijozlariga axborot bergan. Biroq, ushbu loyiha hali yakuniy qarorga kelmagan va quvur yo‘nalishi kabi bir qancha jihatlar o‘zgarishi mumkin. ADNOC matbuot kotibi esa quyidagilarni ta’kidladi: “Biz Bloomberg agentligiga ushbu xabar haqiqatga to‘g‘ri kelmasligini, bu faqat taxmin ekanligini ma’lum qilganmiz.”